Assalamualaikum lor!!!
Pantun Kelakar/Sekatoan Khas Palembang ini dapet asli dari Fan Page Wong Palembang Nian
(jangan di ambek ati igo, cuman buat kelakar bae)
1. Lanang (menggoda linjangannyo)
Pegi ke butik, nak nyari baju
Dapet selendang, penari jaipong
Alangke cantik, cewek aku
Tapi sayang, Giginyo ompong
2. Gades (nak marah bales ngato)
Nak pegi nari, nari jaipong
Merdunyo lagu, sangat mendayu
Memang gigi, aku ompong
Tapi aku, idak buntu.. :P
3. Bujang (ngeles, dak kelemak an buntu nian)
merdunyo lagu, sangat mendayu
Ketipak tipung, bunyinyo padek
memang aku, sekarang buntu
Duet ku tabung, nak ngelamar adek
4. Gades (la tau ujung 8 linjangannyo)
Tedok dalu, mato tebengkak
Tedoknyo nyambung, palaknyo mentak
Bukan aku, dak percayo kakak
Ujinyo nabung, rokok bae mintak
5. Bujang (bepeker nak ngolai ceweknyo)
Nyingok siamang, makan kelapo
Siamang bebulu, bulunyo kasar
Kalu memang, adek dak percayo
Peh melok aku, kito ke Pasar
6. Gades (mulai percayo)
Buat engkak, samo bolu
Jangan la lupo, buat kue tar
Akor nian kak, kalu cak itu
Nak belanjo apo, kito ke pasar
7. Bujang (ceweknyo keno kola!!! Wkwkkkwkw)
Jalan ke Pakjo, nemui pacar
Kakinyo bengkok, idak sekolah
Bukan nak belanjo, kito ke pasar
Siapke mangkok, mintak sedekah
8. Gades (merajuk tuo)
Sambil merangkak, makan pelem
Tejingok antu, di pucuk batu
Sudahlah kak, nak mintak alem
Memang kakak tu, dak cinto aku
9. Bujang (bujuk linjangannyo lagi)
Ado cewek, jalannyo ngengkak
Kakinyo bengkak, di gigit Antu
Itulah adek, galak ngolai kakak
Cinto kakak, hanya padamu
10. Gades (ngeluarke senjato andalannyo!! Wkwkkwkk)
makan lemang, gigi temetu
tedok di ubin, sambil bekelakar
Kalu memang, cinto ke aku
Aku besalin, kito ke pasar
Lanang (idak bepantun lagi, ngaku kalah) Maseh nak ke pasar tulaaaaa.... Aku ni buntu oiiiii!!!!! wkwkwkwkwkwkwk
Dem ai :V
Wassalamualaikum lor!!
0 Comments: